馬年春節(jié)期間，上海馬戲城打破劇場邊界，拿馬戲表演帶到公共空間，七天里向演了五十幾場。講到馬戲表演，魯迅先生1933年辣《申報》浪發(fā)表雜文《動物訓(xùn)練法》，是伊看了當(dāng)時辣上海演出個德國海京伯馬戲團，有感而發(fā)。魯迅個獨養(yǎng)兒子周海嬰辣了回憶錄里也專門寫到過搿趟海京伯馬戲團個演出。

當(dāng)年個“海京伯”，是全世界擁有獅子、老虎、海獅、棕熊、大象等大型動物最多、演出規(guī)模最大個馬戲團。1933年，伊拉租了一艘萬噸輪，拿全部演員、動物、道具、服裝，亨八浪打裝上船，到世界各地巡回演出。

輪船靠辣黃浦江碼頭，起重機、大吊車拿裝著大象頭、獅子、老虎、棕熊等猛獸個大鐵籠，從輪船浪吊下來個辰光，記者們又拍照又報道，引得整座上海城轟動。當(dāng)時上海個《新聞報》，立馬以《舶來馬戲“海京伯”，獅虎猛獸動申城》為題登了報道——百年前個上海人，儕拿進口個東西喊作“舶來品”。

當(dāng)時上海最豪華個大華飯店，因火災(zāi)拆脫了，辣了戈登路（現(xiàn)在個江寧路）搭靜安寺路（現(xiàn)在個南京西路）交界個地方，空出一大片地，馬戲團就辣了搿塊空地上搭了個專門演馬戲個大棚。棚頂有四五層樓高，好表演空中飛人；舞臺是圓個，觀眾席呈360度階梯狀排開，勿管從啥角度看演出儕清爽。

馬戲一開演，16個男女馴馬師穿了金光閃閃個騎士服，英姿颯爽騎辣了16匹披了流蘇綬帶個大白馬上，魚貫而出；還辣了馴馬師個指揮下，跟著音樂節(jié)奏變隊形，步伐齊齊整整，當(dāng)場就惹得全場觀眾歡呼叫好！接下來，薩米人、努比亞人，結(jié)合馴麋鹿、馴駱駝，做了民族文化展示。整場演出，由好幾個紅鼻頭小丑個滑稽表演串場，猛獸表演個緊張，搭配小丑個搞笑，有張有弛。尤其是海獅頂球、獅子駕戰(zhàn)車、猛虎踏三輪車、大象吹笙斟酒搿點節(jié)目，直接拿演出個氣氛推到了頂。

演出當(dāng)中，馴虎師施威德，結(jié)合猛虎鉆火圈搭騎車載人個表演，講伊拉是哪能靠“愛個力量”馴化猛獸個。魯迅先生本來想帶海嬰一道去看馬戲，可海嬰那辰光才四歲，年紀(jì)太小，怕小囡被猛獸嚇著，就搭許廣平兩家頭，等海嬰睏著了，偷偷交去看個。魯迅先生對海嬰向來呵護有加，伊還寫過一首詩：“知否興風(fēng)狂嘯者，回眸時看小於菟?！币馑季褪牵豪匣㈦m然兇，吼起來震天響，可對自家生個小老虎，也斜氣溫柔。

當(dāng)年海京伯馬戲團個演出，轟動了整個上海灘，報紙浪天天儕有相關(guān)報道，門票也是一票難求。就連國學(xué)大師錢鍾書，也辣了文章里寫到過“海京伯”。因為演出里，有馴獸師吹口琴指揮大象表演，搿一下，永安、先施等四大百貨公司個樂器部，口琴直接賣到斷貨。口琴演奏家石人望抓牢迭個商機，趁熱成立了“大眾口琴會”，報名學(xué)吹口琴個學(xué)員，直接爆棚了。